Мысалы, табиғи каучуктің циклденген латексі латексті бұйымдар өндірісінде қолданылады. Циклді каучуктерді олардың жоғары химиялық төзімділігі, суға – және атмосфераға  тұрақтылығы арқасында коррозияға қарсы және электр өткізбейтін лак – бояулы қаптамалар өндірісінде қолданады. Сондай – ақ циклденген каучук резинадан жасалған бұйымдарға толықтырғыш ретінде де  олардың төзімділігін арттыру мақсатында ендіреді. Цис – полиизопрен мен цис – полибутадиеннің цис – транс – изомеризациясы олардың суыққа төзімділігін арттырады, себебі олар кристалдану процесін баяулатады. Циклдену реакциясына полимер ретінде ауа қатысумен полиакрилонитрильді қанықпаған бүйірлік топтар арқылы циклизациясын келтіруге болады: